Blogg frá Indonesíu

Gleðilega páska þó seint sé.

 

Það hefur margt drifið á daga okkar síðan við blogguðum síðast. Við fórum frá Sengiggi, Lombok eftir að hafa verið þar í 2 daga. Þar var svo sem ágætt að vera en ef til vill full rólegt að okkar mati. Við drifum okkur því til Gili eyja og þvílík paradís sem þær eru. Litla tropikal eyjar þar sem enginn umferð er önnur en hestvagnar og hjól. Börnin leika sér berössuð í sjónum og allir þekkja alla. Þar ætluðum við bara að vera í 2 daga en enduðum í 5 dögum eða þangað til peningurinn okkar var uppurinn en það er enginn hraðbanki á þessum eyjum og enginn tekur kort!

           

Ég gerðist svo djörf að drífa mig á köfunarnámskeið og er núna með byrjunar próf í köfun...takk fyrir takk. Þvílíkt ævintýri að kafa þarna við eyjarnar. Botninn er nánast þakinn kóral og fiska faunan eftir því fjölbreytt og litrík. Ég sá barakuta fiska, sjó ála í öllum litum og SKJALDBÖKUR. Ég sá í þeim köfunum sem ég fór í samtals 6 skjaldbökur og þær voru nánast í fanginu á manni. Þær líta á kafara á þessum slóðum sem hluta af sjávarlífinu og þar sem er algerlega bannað að snerta þær á þessum slóðum hræðast þær ekki þessa undarlegu fiska með froskalappirnar og ljótu gleraugun. Ein risastór, eldri skjaldbaka var að japla á kórölunum bara svona 30 cm frá mér. Þvílík upplifun! Veðrið var nú reyndar svolítið að stríða okkur. Hér eru þrumur, eldingar og tilheyrandi úrhelli daglegt brauð. Þetta háir okkur ekki mikið en eldingarnar voru aðeins of nálægt að mati Pálma þegar þær lentu í bakgarðinum við litla strákofann okkar í Gili Trawangan. Á meðan var ég út á sjó í köfun og skyldi ekkert í þessu blikki sem lýsti annað slagið upp sjávarbotninn...en það voru auðvitað eldingar. Þegar við komum svo upp á yfirborðið tók ekki betra við. Öldugangurinn var þvílíkur að ég hélt að við kæmumst aldrei um borð í bátinn en allt gekk þetta að lokum.

 

Núna erum við komin til Balí eftir eina erfiðustu ferð okkar hingað til. Við keyptum ferð með FAST boat hingað frá Lombok! Maður sér á milli eyjanna og ferðin á að taka um 1 og hálfan tíma en báturinn  missti afl á örðum mótornum í upphafi ferðarinnar og eftir það tók ferðin um 4 tíma. Þá tók við ferð í óloftkældum bíl og í allt þurftum við að vera á ferðinni í 12 tíma, TAKK.  En nú erum við komin til Balí. Og þvílíkt líf. Hér er allt til alls og miklu meira...tourism gone mad! Við höfum ekki séð svona mikið af túrhestum í allri ferðinni. Það er svo sem allt í lagi en erum voðalega fegin að hafa ekki verið í þessum pakka alla ferðina.  Við tökum þó starf okkar sem túrista mjög alvarlega og höfum farið samvisku samlega að gera allt sem hinir gera. Borða á Hard Rock og sulla í Hard rock sundlauginni sem er með sérsmíðaða strönd...40 metra frá hinni víðfrægu Kuta strönd hinum megin við girðinguna. Við ætlum þó að reyna að komast að smá menningu Balí-búa og drífa okkur til Ubud á næstu dögum.

 

 

Athugasemdir

[Skarphéðinn P. Óskarsson (IP-tala skráð) 26.3.2008 kl. 15:12]

Heil og sæl

Gular stendur, kóbaltblátt haf, skjaldbökur og marglitir fiskar. Allt frekar óraunverulegt fyrir okkur sem heima sitjum. Aðeins minningar frá lýsingum ævintýrabóka og myndabæklinga.  Þetta er allt í beinni snertingu við ykkur og beint fyrir augunum. Haldið áfram að drekka allt þetta í ykkur.  Þegar frá líður verður ævintýrið að mjög sterkri minningu. Hlakka til þagar ferðasagan verður sögð í máli og myndum. Frábærar myndir. Ótrúlega gaman að skoða og lesa

[Rakel (IP-tala skráð) 26.3.2008 kl. 20:20]

Þetta er bara eins og í draumi..........rosalega fallegir staðir. Hafið það sem allra best í fjarlægum heimi og stöðum sem maður hefur aldrei áður heyrt um, nema þá kannski Bali ;)

[Tóta, Unnar, Jóhann og Palli (IP-tala skráð) 28.3.2008 kl. 06:51]

Hæ hæ Elín og Pálmi. Je hvað það er gaman að fylgjast með ferðinni ykkar, þetta er draumi líkast. Synd að þið takið ekki Svíþjóð með..... hi hi!!! Við höldum áfram að fylgjast með ævintýrinu ykkar, þvílík ferð, þetta er oft dáldið óraunverulegt, svo ólíkir heimar en þvílíkt spennandi. Passið vel uppá hvert annað. Kramar Tóta, Unnar og guttarnir