Krían í Nepal

Blogg 18.2 Þvílíkir dagar hérna í Nepal. Já draumalandið mitt hefur svo sannarlega ekki valdið mér vonbrigðum. Hér er mannlífið svo fjölbreytt og litskrúðugt. Hér er svo margt að sjá að við erum enn bara í Katmandu og erum alltaf að sjá eitthvað nýtt. Við fórum að skoða apahofið eins og Kalli frændi ráðlagði okkur og það var alveg magnað. Fullt af öpun sem sprönguðu um svæðið. Það sem var þó öllu magnaðra var að þegar við fórum svo inn í sjálft bænahúsið voru munkarnir að biðja. Þeir sem hafa séð myndina um Dalai Lama kannast við hvernig munkarnir kyrja, berja risastórar trommur og spila á einhvers konar flautur. Þetta var alveg ótrúlega flott og magnað.             Í dag fórum við svo að sjá Bodanath stærstu búdda stúpu í Nepal. Ég man þegar ég var uþb 15 ára sá ég myndir héðan og hugsaði með mér að þetta væri svo ótrúlega langt í burtu. Þegar maður væri kominn hingað kæmist maður vart lengra (þó að það sé nú kannski ekki alveg raunin). Það var því rosaleg upplifun að vera loksins komin hingað. Ganga hringinn í kringum þessa risabyggingu, meðal allra munkanna. Þarna í kring eru margir flóttamenn frá Tibet að selja varning sinn. Þannig að þarna fékk maður dálítinn nasaþef af tíbetskri menningu sem var nú ekki verra fyrir tíbet aðdáanda eins og mig. Já, þetta var alveg magnaður dagur eins og þeir sem undan eru gengnir. Ég er ástfangin af Nepal og ætla mér að koma hingað aftur...þá kannski í gönguferð...þó ekki upp á Evrest ég held áfram að dást að því fjalli bara úr fjarlægð.            Ég vil að lokum endilega minna á myndasíðuna mína. Linkurinn er hérna á heimasíðunni og svo má endilega skrifa í gestabókina eða kommenta...það er svo gott að heyra frá ykkur líka.

Athugasemdir

[Sigrún Birna (IP-tala skráð) 19.2.2008 kl. 02:26]

Gaman að heyra hvað ferðin gengur vel ... þ.e. Nepal hlutinn. Ég verð alveg veik af því að lesa ferðalýsingarnar ... langar svo aftur að ferðast um heiminn og það strax ;) Njótið lífsins ... Sjáumst í holunni við Gömlu Hringbraut eftir nokkra mánuði.

Kveðja Sigrún Birna

[Svava Björk (IP-tala skráð) 19.2.2008 kl. 17:21]

Nepal hljómar æðislega. Ótrúlegt að þetta mannlíf og þessir staðir séu í alvörunni til... það er ekki bara til í bókum, bíómyndum og ævintýrum. Æji þið vitið hvað ég á við;) 

Knús frá mér og spark frá bumbulínu (innilokaðar í tölvustofu Eirbergs... þeim stór merkilega stað!)