Pálmi bloggar

16.2.08Jæja þá erum við komin til Nepal! Það er eins og við séum loksins að byrja fríið okkar hérna þar sem Indland reyndist okkur nokkuð erfitt. Tilfinningin á Indlandi var eins og maður væri eiginlega ekki í fríi heldur í stöðugu heimaprófi í skólanum, manni fannst maður alltaf þurfa að vera á varðbergi gagnvart alls kyns ógnunum, allir voru að reyna að hafa af manni pening. Það var samt ekki hægt að verða reiður við þetta fólk vitandi og sjáandi við hverslags aðstæður það býr, það væri nær að lýsa þessu landi (það sem við sáum af því) sem algjörri orkusugu. Maður kom heim á hótel eftir daginn alveg uppgefinn þrátt fyrir að hafa afrekað lítið annað en að sitja á kaffihúsi og horfa út um gluggann eða að sitja í leigubíl með stöðugt áreiti frá útigangsfólki sem elti bílinn og reyndi hvað það gat til að fá nokkrar krónur... Mest langaði manni að gefa fólki allt sem maður á og hypja sig aftur heim og senda meira þaðan... en maður getur víst ekki bjargað heiminum í einni utanlandsferð...En allavega þá erum við komin til Nepal! Hérna sér maður að fátæktin er mikil en hún er einhvernvegin öðruvísi. Fólk brosir og gerir grín og virðist líða betur. Hérna getur maður gengið um nokkuð óáreittur og notið þess að vera í fríi áhyggjulaus um. Kannski er maður bara búinn að venjast fátæktinni í kringum mann??? Við gistum þessa dagana á Kathmandu Guest House sem er virklega þægilegur staður (Hérna gistu víst Bítlarnir á ferðalagi sínu um Indland og Nepal ). Gistiheimilið er staðsett alveg í miðbæ Kathmandu og hér iðar allt af lífi, fullt af veitingastöðum og litlum búllum sem selja vörur á 1/10 af því sem þær kosta heima á klakanum. Næstu daga ætlum við að skoða okkur um hérna í nágreninu og meðal annars að fara í flugferð um Nepal þar sem útsýnið verður líklega einhverjir smá hólar eins og Mount Everest!!! Ég vil benda ykkur á að aðalmyndasíðuna okkar er að finna á Flickr síðu Elínar ( tengill hérna hæra megin á síðunni neðarlega ) Þangað til næst over and out.

Athugasemdir

[Skarphéðinn P. Óskarsson (IP-tala skráð) 17.2.2008 kl. 10:29]

Heil og sæ.l Gaman að lesa pistlana ykkar. Ég vildi gjarnan upplifa þetta með ykkur. Þvílíkt land, öll sagan, fjöllin og fegurðin. Drekkið þetta allt í ykkur. Spennandi flugferð framundan. Ekki hægt að toppa hana nema ganga á Everest. Kærar kveðjur úr Víðihlíð og rigningunni.

[Ásta Sóllilja (IP-tala skráð) 17.2.2008 kl. 20:10]

Gaman að fá að fylgjast með ykkur.

Endilega haldiði áfram að vera dugleg að skrifa og setja inn myndir.

Söknum ykkar.

Kveðja, Ásta og Sunna Dís

[Guðrún Lára (IP-tala skráð) 18.2.2008 kl. 13:18]

Oh boy krakkar!!!! Þetta er bara dásamlegt. Reyni að upplifa þetta á minn hátt með ykkur með því að horfa á Michael Palin þættina um Himalaya. Reyni að telja sjálfri mér í trú um að það sé nóg að horfa á DVD