Nepal...já Nepal

15.2.08 Jæja komin til Nepal. Höfum tekið því nokkuð rólega í dag enda smá lumbra í mér í gær en þökk sé lyfjabyrgðum mínum er ég öll að koma til. Kann ekki alveg að fara vel með mig og finn aðeins fyrir hitavellu enda búin að vera á ferðinni í dag. Við fórum niður í bæ thamel og skoðuðum mannlífið sem er allt annað en í Indlandi. Fólkið er kátara, léttara og alveg hægt að grínast svolítið þrátt fyrir tungumálaörðugleika.             Við erum á ljómandi hóteli aðeins fyrir utan Katmandu. Hér slokknar annað slagið á öllum ljósum og hitaranum í herberginu þar sem rafmagnið er skammtað hér í landi. Við erum vopnuð vasaljósi og ullarfötum í kuldanum og því væsir ekkert um okkur. Við neyðumst nú samt til að kaupa okkur góðar úlpur hérna í einni af mörgum, mörgum útivistarbúðum sem selja rosalega flott útivistarföt á skid og ingenting. Ég sé pabba fyrir mér borga ferðina hingað á örfáum klukkutímum með kosta kaupum á útivistarfatnaði.             Hér er ýmislegt skammtað líka eldsneytið þar sem pólitískt ástand er ekki alveg jafnstöðugt og í borginni reykjavík...eða kannski álíka stöðugt. Ekkert sem hefur áhrif á okkur þó.            Hér er rosapartý í gangi alla daga í hótelgarðinum. Konur í hefðbundnum nepölskum búningum sem eru mjög fallegir í öllum regnbogans litum. Við höldum helst að það sé margra daga gifting í gangi.

            Alla vega líður okkur ljómandi. Hér er net afskaplega hægt þannig að hver færsla er afskaplega dýrmæt!

           

Athugasemdir

[Robertino (IP-tala skráð) 16.2.2008 kl. 17:15]

Hæ you guys!

Haldið áfram að njóta upplifunarinnar á hverjum stað fyrir sig. Hann er stór þessi heimur og því um að gera að sjá sem flestar hliðar af honum, þó þær séu misfallegar.

Vona að þið verðið jafn dugleg að komast í nettengingu því það er algjört must að lesa af ferðalögum ykkar. Þið eruð ekki að missa af neinu hérna ennþá, við látum ykkur vita þegar enn ein borgarstjórnin fellur :)

Kv, Róbert og Anna

PS: Spurning um að setja auðveldari spurningar sem ruslpóstvörn fyrir athugasemdakerfið. Ég fékk "Hver er summan af þremur og sautján?"