fleiri góðir dagar...

Myndir á myndasíðunni! Ég verð að viðurkenna það að myndirnar mínar segja alls ekki sanna sögu um upplifun okkar af Indlandi. Hvers vegna að fá menningarsjokk af gullfallegum saríum og sögulegum byggingum? Við vissulega upplifum þetta Indland en hitt Indlandið er líka stór upplifun...en erfiðara að mynda bæði vegna þess að manni finnst maður vera komin of nálægt fólki þar sem maður myndar það í örbirgð sinni á götunni. Fólk vill líka ekki láta mynda sig við þessar aðstæður...skiljanlega. Þess vegna hef ég verið að reyna að taka myndir úr bílum á fleygiferð og í laumi með litlu myndavélinni minni þið vonandi sjáið þær myndir líka siðar. Í bili fáið þið að sjá fallega Indland. 12.2Við fórum í dag í skoðunarferð um Delí. Sáum Red Fort og Hindua hof sem og stærstu múslimsku mosku í Indlandi. Alls staðar var fólk að betla, hrópa og pissa...já pissa. Indverskir karlmenn víla það ekki fyrir sér að pissa alls staðar. Á meðal ökuferð í gegnum borgina sér maður svona 8 menn pissa á mismunandi stöðum og ég lofa ég er ekki að leita! Þannig að þegar maður gengur um þröngar götur eða við vegghorn verður maður að halda niðri í sér andanum...þakka bara fyrir að það er ekki meiri hiti hérnaJ 13.2

Við tókum einn rólegan dag til viðbótar og sváfum út. Röltum niður í bæ og reyndum að komast á netið þar sem að datt út hér á herberginu. Við pöntuðum hótel í nepal en þangað höldum við um hádegisbilið á morgun. Þetta er hótel aðeins út úr bænum kannski ágætt að hvíla sig á stórborgarmengun og hávaða? Park village hotel lofar góðu ...sjáum til!

Athugasemdir

[Svava Björk (IP-tala skráð) 14.2.2008 kl. 10:09]

Æðislegar myndir :)

[Guðrún Valdís (IP-tala skráð) 14.2.2008 kl. 12:20]

Já ég man þeir pissa út um allt, það er rosalegt. En er ekki glápt mikið á þig?? mér fannst þessir Indversku karlmenn alveg svakalega miklir dónar. Og ég lenti í sama vandamáli með myndatökur og myndirnar sem ég tók út um bílgluggann tókust ekkert voða vel :(

Kv. Guðrún Valdís