Thailand

jæja hvar á maður að byrja að lýsa svona ævintýri sem þessi ferð er. kannski bara á byrjuninni. Í Bankok fórum við Pálmi í mall þar sem tæknivörur eru seldar. Tveir kynnar töluðu stanslaust í míkrafóna í miðri búðinni og kynntu með miklum látum hverja einustu vöru sem var seld þarna inni. Gríðarlegur fjöldi fólks var þarna inni og allir að selja eitthvað virtist vera. Þarna fékk ég útskriftargjöfina mína frá Pálma forláta Nikon D80 myndavél og hef ég beitt henni óspart í síðustu dögum. Hótelið í Bangkok gaf tónin fyrir hótelin þar á eftir. Mjög flott þar sem ekki má gera handtak sjálfur og snúist er í kringum mann. Reyndar er það víðast hver hér á Tælandi fólk vill allt fyrir mann gera og auðmýktin og þjónustulundin ætlar stundum að keyra um þverbak.            Eftir Bangkok fórum við til Mae Hon Son á norður Tælandi. þegar við lentum þar á litlu rellunni fannst mér ég ver komin inn í miðjan þátt af Lost. gróðri vaxnar hlíðar hvergi sást neitt nema gróður og svo náttúrulega flugvélin og völlurinn. Þarna gistum við fyrstu nóttina á fínu hóteli...en næstu nótt, tja hvað getur maður sagt....            við fórum sem sagt í safarí. Fyrst á fílsbak og svo á bambusfleka niður fljót með örugglega 90 ára gamlan ræðara. Eftir það var borðað á veitingastað (tælenskur matur eins og alla daga nema 2 hingað til) og svo fórum við og skoðuðum þorp Karen Long neck fólksins. Þessi ættbálkur eru í raun  flóttamenn frá Burma en hafa verið Tælands megin við  landamærin og hafa þann starfa einan að viðhalda hefðum sínum og menningu fyrir ferðamenn. Samt sem áður koma ekki svo margir ferðamenn þangað. Þetta var mjög óraunverulegur dagur. Óraunveruleika tilfinningin jókst ekki þegar við komum svo á gisti stað næturinnar. Bambuskofar líkt og þeir sem heimamenn í þessari sveit og long neck fólkið býr í. Öll met voru slegin í stórum kóngulóm, kakkalökkum og maurum og hræðslan við moskító náði nýjum hæðum í hópnum! Fólk beitti ýmsum ráðum við að gera sér vistina bærilegri. sumir hættu að drekka allan vökva til að þurfa ekki að fara á klósettið sem var mjög sérstakt...ef maður vill orða það fallega! aðrir beittu róandi lyfjum á fljotandi formi og enn aðrir vöfðu sér inni í lak og beittu silki plástri til að hindra inngöngu þess óæskilega en jafnframt útgöngu þessa þar sem sú manneskja fékk stærsta bit ferðarinnar.            við lifðum nú öll þessa nótt af og héldum af stað (mjög skítug þar sem engin sturta var þarna fyrir utan tunnu fulla af lirfuríku rigningavatni, en enginn þáði það bað).fórum og skoðuðum kínverkst þorp þar sem íbúarnir rækta gæða te sem er handtínt af runnunum, þurrkað og malað allt á staðnum. svo fórum við að skoða foss í miðjum frumskóginum og skítugur líðurinn demdi sér út í dásamlegt vatnið og þvílík sæla!             Þessi ferð er ein af þeim allra mögnuðust sem ég hef upplifað um ævina og vona bara að sem flestir nái að upplifa eitthvað þessu líkt einhvern tímann! Mikið á maður gott að geta leyft sér svona ævintýri.            Síðan lá leiðin til Chiang mai þar sem þetta er skrifað. í gær var mikil hátíð hjá búddatrúar fólki og fórum við í búdda hofið Wat Do Sutep. Þar var fjöldi manns sem báðu með blóm og reykelsi í höndunum. Kveiktu á kertum og báðu um heilsu og heppni. við fengum blessun frá munknum á staðnum sem kirjaði yfir okkur og gaf okkur svo að lokaum bómullarband, mér á vinstri hönd og pálma á þá hægri. Þessi bönd vekja áhuga heimamanna og spyrja þeir hvar við fengum þessar gersemar.            Í gær upplifðum við svo alvöru rigningu! eldingar, þrumur og sturtu úrhelli sem bleytti mann allan á 5 sek. Göturnar breyttust í árfarvegi á 20 mín og ljósin dofnuðu á hótelinu. Þetta var bara meiri háttar upplifun og sjaldan sem ég hef orðið jafn spennt yfir jafn hversdagslegu fyrirbæri og rigningu. á morgun förum við til Ko Samui og verðum þar í 8 daga. síðan síðustu 2 dagana í Bangkok. Þetta hefur liði alveg svakalega hratt þrátt fyrir stífa dagskrá nánast alla daga. ég er alveg heilluð af Tælandi og hlakka til að sjá hvernig eyjalífið er hérna. vona að ég geti sagt ykkur eitthvað frá því ef ég kemst á net einhver staðar. Þangað til síðarShawa tie Kaa (veit ekkert hvernig þetta er skrifað)

Athugasemdir

[Skarphéðinn (IP-tala skráð) 1.6.2007 kl. 12:58]

Þið upplifið margt ævintýrið á stuttum tíma og geymið i svo í minningunni. Mun prenta út lýsinguna og lesa fyrir ömmurnar. Kær kveðja héðan úr rokinu

[Guðrún Lára (IP-tala skráð) 2.6.2007 kl. 13:09]

Váááááá þvílík dásemd! Já ég ætla rétt að vona að maður upplifi álíka ævintýri einhvern tímann. Held þó að það nægði ekki að nota eitthvað í töfluformi eða dýrindis fljótandi vökva til að róa mig í pöddugerinu. Maður lætur sig þó hafa ýmislegt fyrir útlöndin!!!!! Elsku elskur góða skemmtun áfram!!!!!

Duja. 

[Auður og Snorri (IP-tala skráð) 2.6.2007 kl. 21:50]

Hlökkum til að fá ykkur heim og að sjá myndir úr ferðinni (ljósmyndarinn verður örugglega með frábæra myndir)

Haldið áfram að hafa það skemmtilegt elskurnar okkar.

Ástar kveðja úr Hátúni